Zelulen Biologia eta Histologia mikroskopioren aurrerapen teknologikoekin paraleloan garatu diren diziplinak dira. Beraz, ezagutza eta interpretazio morfologikorako trebetasunak garatzeak garrantzi handia du bi ezagutza-arlook aztertzeko. Irudi mikroskopikoen azterketa zehatzak ahalbidetzen du zelulen eta ehunen osagaiak ezagutzea, datu morfologikoak jasotzea eta arrazoinamendu kritiko baten bidez konparatu eta aztertzea. Era berean, egituren deskribapen zehatza, sintesia eta komunikazioa ahalbidetzen du. Deskribatutako gaitasun horiek guztiak Farmazia Graduko Zelulen eta Ehunen Biologia irakasgaiaren praktika horietan aplikatu eta lantzen dira, eta, gainera, ikasleei osasun-arloko profesionalaren praktikarako gaitasun eta trebetasun espezifikoak garatzen irakasteko balioko dute.